មន្ត្រីសុីម៉ាក៣នាក់ស្លាប់និងម្នាក់រងរបួសធ្ងន់ដោយសារមុីនតោន

ព្រះវិហារ÷មានករណីផ្ទុះគ្រាប់មីនតោនស្លាប់មន្ត្រីជំនាញដោះមីនចំនួន៣នាក់និងរបួសធ្ងន់ម្នាក់​ររបស់អង្គការដោះមីនកម្ពុជាស្ថិតក្នុងភូមិសែនតេជៈឃុំមរកត​ ​ស្រុកជាំក្សាន្ត​ ខេត្តព្រះវិហារ ។

ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកអគ្គនាយកសុីម៉ាក បានបញ្ជាក់នៅថ្ងៃទី១០​ ខែមករា​ ឆ្នាំ​២០២២​ ថាម៉ោងប្រមាណ១១និង៣០នាទីព្រឹក​មានករណីផ្ទុះគ្រាប់មីនតោនស្លាប់ជំនាញដោះមីនចំនួន៣នាក់ និងរបួសធ្ងន់ម្នាក់​របស់អង្គការដោះមីនកម្ពុជា​ (Cambodian Self Help Demining)។

អង្គការCSHD​ដែលគេស្គាល់ថា​ជាអង្គការអាគីរ៉ា​ ដែលមានទីតាំងស្នាក់ការនៅខេត្តសៀមរាប។ ករណីគ្រោះថ្នាក់នេះកេីតឡេីងនៅភូមិសែនតេជៈ​ឃុំមរកត​ ​ស្រុកជាំក្សាន្ត​ខេត្តព្រះវិហារ។​

វាជាភាពចៃដន្យបំផុតមុនករណីគ្រោះថ្នាក់ស្លាប់អ្នកដោះមីនកេីតឡេីង ប្រហែលជា២០នាទីមុន នៅក្នុងភូមិដដែលក៏មានករណីផ្ទុះគ្រាប់ ខណៈអ្នកភូមិបានដុតសំអាតដីដើម្បី ដាំដំឡូងបណ្តាលឲ្យស្លាប់ប្រជាពលរដ្ឋម្នាក់ផងដែរ ។ ដោយ : តាក្របី