ភ្នំពេញ÷ នគរបាលថ្នាក់ឧត្តមសេនីយ៍ទោម្នាក់ បេីកបររថយន្តទំនេីបក្នុងស្ថានភាពស្រវឹងឡេីងលេីសួនច្បារវិមានឯករាជ្យរួចជ្រុលទៅបុកអ្នករុញរទះលក់ទឹកសុទ្ធទៅមុកលែងរួចបង្កការភ្ញាល់ផ្អើលប្រជាពលរដ្ឋនាំគ្នាទៅចោមរោមមើល ហេតុការណ៍នោះ ។
ពលរដ្ឋដេីរលេងកម្សាន្តនិងអ្នកហាត់ប្រាណនៅក្បែរៗ កន្លែងកើតហេតុ ភ័យលស់ព្រលឹងកាលពីវេលាម៉ោង៩,១៥នាទីយប់ ថ្ងៃទី២៤ ខែមករា ឆ្នាំ២០២៣ ។
សសមត្ថកិច្ចនៅកន្លែងកេីតហេតុបានឱ្យដឹង ថា÷រថយន្តបង្កម៉ាកឡង់គ្រីស័រពាក់ស្លាកលេខ ភ្នំពេញ 2AU-3868 ពណ៌ស អ្នកបេីកបរឈ្មោះ យិន លីមជាមន្ត្រីនគរបាលជាតិ ឋានៈជាឧត្តមសេនីយ៍ទោបេីកបរក្នុងស្ថានភាពស្រវឹង ។
ចំណែកអ្នករុញរទេះលក់ទឹកបរិសុទ្ធសំណាងល្អមិន រងរបួសនោះទេ ដោយសារគេចផុត ពីរថយន្តហាក់ដឹងខ្លួនមុន ។
ប្រជាពលរដ្ឋកនៅន្លែងកេីតហេតុបានរិះគន់មន្ត្រីនគរបាលផ្កាយពីររូបនោះ ថាបើខ្លួន ស្រវឹងហើយ សូមកុំព្យាយាមប្រើប្រាស់យានយន្ត ធ្វើអ្វីនាំតែ បង្កមហន្តរាយដល់អ្នកដទៃ ហើយមិនតែប៉ុណ្ណោះ ខ្លួននឹងមានទោសទណ្ឌទៀតផង ។
