ស្ងាត់ៗចេញរឿងផ្សេង
ទុក្ខសោករបស់អ្នកស្រីរិទ្ធិ សុគន្ធា
អាសូរអ្នកស្រី ដៃកាន់ធាតុប្តី ជីវិតញាំញី ត្រូវគេយកផ្ទះ បំពានដីធ្លី រស់រងវេទនា ស្ទើរសូន្យសង្ខារ ។
ធ្លាក់ចូលឧបាយ មន្ត្រីទាំងឡាយ ធ្វើបាបពើតផ្សា ដីធ្លាប់មានប្លង់ គេសង់វីឡា ឱសឱទេវតា ម្តេចមើលមិនឃើញ? ។
ជីវិតរស់នៅ ស្ទើរតែអស់ផ្លូវ ធ្លាក់ដល់ភ្នំពេញ បញ្ហាដីធ្លី ត្រូវគេប្រវញ័ ម្តាយចាស់សម្លាញ់ អាយុកើនរយ ។
ទៅដល់ទីនោះ បានជួបសប្បុរស ចិត្ដធម៌មិនធ្លោយ ចាត់ចែងចុះជួយ ឈឺឆ្អាលបណ្តោយ អ្នកខ្លះក៏អោយ ប្រាក់ទុកហូបបាយ ។
សង្ឃឹមបានរស់ មេធាវីសង្គ្រោះ ស្រាវជ្រាវដីឲ្យ តាក់តែងសាច់រឿង ថ្ងៃមុខថ្ងៃក្រោយ ឱលោកធំអើយ លោភលន់ដល់ណា ? ។
ឥឡូវឃើញជាក់ សំបុត្របានធ្លាក់ រៀបរាប់អក្ខរា ធានារ៉ាប់រង សង់ផ្ទះប៉ោយចារ ភ្នំស្រុកវិញណា ខុសពីខ្លាកូន? ។
ជីវិតអ្នកស្រី ឧបមាឧបមេយ្យ រសាត់ដូចក្បូន បើខេត្តចិត្តធម៌ ផ្តល់ដីខ្លាកូន ម្លេះសក្ត័សមសួន ដែលគាត់ចង់បាន ។
លោកអ៊ុំរាត្រី ពូកែរកដី ចាកឆ្ងាយភូមិឋាន ដីជិតមិនឲ្យ ឆ្លាតណាស់កល្យាណ រាស្ត្ររស់ម្តេចបាន បើឆ្លាតដល់ម្លឹង ? ៕ ដោយ ស៊ីក្លូខ្មែរប៉ុស្តិ៍
