បាត់ដំបង÷ យ៉ាងហោចណាស់បុរសម្នាក់បានស្លាប់និង២នាក់ទៀតរងរបួសធ្ងន់ខណៈខ្មាន់កាំភ្លើង ចេញពីក្លិបផឹកសុីបើករថយន្តម៉ាក GS 300 ដកកាំភ្លើងខ្លីបាញ់រះទៅលើហ្វូងមនុស្សកំពុងអង្គុយ នៅលើបង់អស់ជាង១០គ្រាប់ហើយបើករថយន្ត គេចខ្លួនបាត់ស្រមោល។
ហេតុការណ៍បាញ់ប្រហារនេះបានកើតឡើង នៅវេលាម៉ោង៤ទៀបភ្លឺថ្ងៃទី៨ ខែធ្នូ ឆ្នាំ២០២២ត្រង់ចំណុចសួនច្បារក្បែរវេទិការបុណ្យអុំទូកស្ថិតក្នុង ភូមិព្រែកមហាទេពសង្កាត់ស្វាយប៉ោ ខេត្តបាត់ដំបង ។
សមត្ថកិច្ចបានបញ្ជាក់ថា÷ ជនរងគ្រោះមានឈ្មោះ ១-ឈ្មោះ រឿន សំរ៉ង ភេទប្រុសមានអាយុ ៣២ឆ្នាំ នៅភូមិកន្ទូតសង្កាត់ក្ដុលដូនទាវ ក្រុងបាត់ដំបងត្រូវរបួសចំនួន០២គ្គ្រាប់បានស្លាប់ក្រោយពេលបបញ្ជូនដល់មន្ទីរពេទ្យ ។
២-ឈ្មោះស ដារ៉ូ ប្រុសមានអាយុ៣២ឆ្នាំរស់នៅភូមិព្រែកឆ្ដោរ ឃុំពាមឯកស្រុកឯកភ្នំ ខេត្តបាត់ដំបងបានរបួសស្រាលនិងទី៣-ឈ្មោះ តឹបញ្ញា ភេទប្រុសមានអាយុ២៧ឆ្នាំរស់នៅភូមិព្រែកមហាទេពសង្កាត់ស្វាយប៉ោក្រុងបាត់ដំបងរបួសស្រាល ។
សមត្ថកិច្ចបានប្រាប់ទៀតថា ករណីបាញ់ខាងលើនោះសមត្ថកិច្ចបានកំណត់មុខសញ្ញាបានហើយ ពេលនេះកគពុងតែស្វែងរកចាប់ខ្លួនដើម្បីយកមក ផ្តន្ទាទោសដាក់ពន្ធនាគារតាមផ្លូវច្បាប់ ។
ប្រភពព័ត៌មាន ដែលសារព័ត៌មានយើងទទួលបាន បានបង្ហើបប្រាប់ថា ជនសង្ស័យនៃការបាញ់ប្រហារនេះ បានរត់គេចខ្លួនចូលក្នុងទឹកដី ខេត្តបន្ទាយមានជ័យ ហើយបន្តមកតំបន់ក្រុងប៉ោយប៉ែតផងដែរយ៉ាងណានេះគ្រាន់តែជាដំណឹងក្រៅផ្លូវការតែប៉ុណ្ណោះ ៕
