បន្ទាយមានជ័យ÷ អាគារច្រកទ្វារព្រំដែនអន្តរជាតិប៉ោយប៉ែតប្រឈមនឹងច្រកទ្វារអន្តរជាតិក្លងឡឹកស្រុកអារញ្ញ ខេត្ដស្រះកែវប្រទេសថៃនៅថ្ងៃទី០១ខែមិថុនាឆ្នាំ២០២២ខាងមុខនេះសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ កម្ពុជានឹងមកសម្ភោធដាក់ឲ្យប្រើប្រាស់ជាផ្លូវការហើយ។ 
អាគារច្រកទ្វារព្រំដែនអន្តរជាតិថ្មីប៉ោយប៉ែត
អាគារច្រកទ្វារអន្តរជាតិប៉ោយប៉ែតនេះស្ថិតក្នុងភូមិ ក្បាលស្ពានមួយ សង្កាត់និងក្រុងប៉ោយប៉ែត ខេត្តបន្ទាយមានជ័យ ដែលបានផ្តើមកសាងឡើងកាលពីថ្ងៃទី២៩ខែតុលាឆ្នាំ២០១៧កន្លែងទៅរយ:ពេល ៣ឆ្នាំទើបកសាងរួចរាល់ជាស្ថាពរ ។
អាគារច្រកទ្វារថ្មីនេះមានរចនាបទខ្មែរសាងសង់ដោយវិស្វករខ្មែរមានប្រាង្គកណ្តាល និងដាក់តាំង ព្រះឆាយាល័ក្ខណ៍ របស់ព្រះមហាក្សត្រខ្មែរនៅ ចំកណ្តាលផ្នែកខាងលើ នៃកំពូលអាគារនោះ ៕ 
ទិដ្ឋភាពទាំងស្រុងនៃច្រកទ្វារអន្តរជាតិប៉ោយប៉ែត
