បរទេស÷ជនសង្ស័យYamagamiបានសារភាពថាបានដាក់គោលដៅលើលោកAbe ដោយសារតែគាត់គិតថា អតីតនាយករដ្ឋមន្ត្រីជប៉ុនមានទំនាក់ទំនងជាមួយអង្គការដែលគាត់មានការខឹងសម្បារ។
តំណាងប៉ូលីសប្រចាំខេត្តNaraបាននិយាយក្នុងសន្និសីទសារព័ត៌មាននៅថ្ងៃនេះអំពីករណីអតីតនាយករដ្ឋមន្ត្រី Shizo Abeថា”ជនសង្ស័យបានសារភាពថាគាត់មានការខឹងសម្បារនិងអង្គការមួយ ហើយបានប្រព្រឹត្តបទឧក្រិដ្ឋនេះដោយសារតែគាត់ជឿថាលោក Shinzo Abe មានទំនាក់ទំនងនឹងអង្គការនោះទើបជនសង្ស័យធ្វើឃាតបែបនេះ ។
យោងតាមប៉ូលីសជនសង្ស័យ Yamagami Tetsuya អាយុ៤១ឆ្នាំ អតីតសមាជិកនៃកងកម្លាំងស្វ័យការពារដែនសមុទ្រជប៉ុនបានអះអាងថា គោលដៅលោកAbe”មិនមែនដោយសារតែកត្តានយោបាយ”នោះទេ។
ប៉ូលិសNaraថា÷ នឹងស៊ើបអង្កេតថាតើលោកAbe ពាក់ព័ន្ធអង្គការដូចដែលជនសង្ស័យបានអះអាងដែរឬអត់។ ប៉ុន្តែមិនបានបង្ហាញឈ្មោះអង្គការនោះនៅឡើយទេ។
អតីតនាយករដ្ឋមន្ត្រី លោក Abeមានអាយុ៦៧ឆ្នាំត្រូវបានគេបាញ់ចំពីក្រោយ ពេលកំពុងថ្លែងសុន្ទរកថាយុទ្ធនាការបោះឆ្នោតសមាជិកសភា នៅតាមដងផ្លូវនៃទីក្រុងNaraក្នុងខេត្តដែលមានឈ្មោះដូចគ្នា។នៅពេលបើកការបាញ់ប្រហារ ជនសង្ស័យ Yamagami ឈរប្រហែល៥ម៉ែត្រពីលោក Abe តែប៉ុណ្ណោះ។
លោក Abe ត្រូវបានឧទ្ធម្ភាគចក្រដឹកទៅមន្ទីរពេទ្យក្បែរនោះដោយហូរឈាមយ៉ាងខ្លាំង និងមានរបួសយ៉ាងជ្រៅប៉ះពាល់ដល់បេះដូង និងរបួសត្រង់ក មួយកន្លែងទៀតការរួមសង្គ្រោះមានវេជ្ជបណ្ឌិតយ៉ាងហោច២០នាក់បានចូលរួមក្នុងការព្យាបាលឲ្យលោក Abe ប៉ុន្តែមិនអាចធើ្វឲ្យបញ្ឈប់ការហូរឈាមបាននោះទេ។
អតីតនាយករដ្ឋមន្ត្រីត្រូវបានស្លាប់ដោយសារការធ្លាក់ឈាមច្ច្រើនហួសហេតុ ប៉ូលីស Nara បានប្រកាសថា÷ជនសង្ស័យ Yamagami បានសារភាពថា បានប្រើប្រាស់កាំភ្លើង ផលិតនៅក្នុងផ្ទះ ដើម្បីបាញ់លោកនាយករដ្ឋមន្ត្រី Abe ហើយបាននិយាយថា ÷ខ្លួនកំពុងបន្តស៊ើបអង្កេតអាវុធនេះ ។រូបថតដែលចេញផ្សាយដោយប្រព័ន្ធផ្សព្វផ្សាយជប៉ុនបង្ហាញកាំភ្លើងពីរធុងដែលផលិតនៅផ្ទះជាមួយបំពង់ដែករុំដោយបង់។
សមត្ថកិច្ចបានឆែកឆេរផ្ទះជនសង្ស័យហើយនិងបានរកឃើញអាវុធកែច្នៃស្រដៀងគ្នាមួយចំនួនទៀត។ពួកគេបានពណ៌នា កាំភ្លើងនេះថាមានប្រវែង ៤០សង់ទីម៉ែត្រ និង កម្ពស់ប្រហែល ២០សង់ទីម៉ែត្រ ប៉ុន្តែមិនទាន់បានថ្លឹងទម្ងន់នៅឡើយទេ។ ព្រោះមានការព្រួយបារម្ភអំពីគ្រោះថ្នាក់នៃការបំផ្ទុះ ប៉ូលិសមិនបានបញ្ជាក់ថាតើគេរកឃើញក្បាលគ្រាប់នៅកន្លែងកើតហេតុឬយ៉ាងណានោះទេ។
ពួកគេជឿថា÷ជនសង្ស័យបានជិះរថភ្លើងទៅកាន់ព្រឹត្តិការណ៍ដែលលោក Abe កំពុងនិយាយនោះប៉ុន្តែមិនបានប្រាប់ថាតើគាត់រង់ចាំរយៈពេលប៉ុន្មាននាទីនោះទេ ? ករណីនេះវាជាការប៉ុនប៉ងធ្វើឃាតលើកដំបូងប្រឆាំងនឹងអតីតនាយករដ្ឋមន្ត្រីជប៉ុន ចាប់តាំងពីពួកមេទ័ពនៃទសវត្សរ៍ឆ្នាំ ១៩៣០ កន្លងមក ។
មេដឹកនាំពិភពលោកជាច្រើន ចូលរួមរំលែកទុក្ខដល់អតីតនាយករដ្ឋមន្ត្រី Abe ក្រោយមរណភាពរបស់លោក ក្នុងនោះ លោកប្រធានាធិបតីរុស្ស៊ី Vladimir Putinបានហៅការបាញ់នេះថា ជាការបាត់បង់ដែលមិនអាចជួសជុលបាន ខណៈដែលប្រធានាធិបតីអាមេរិក លោកJoe Bidenបានសម្តែងការខកចិត្ត រួមនឹងកំហឹងទុក្ខព្រួយចំពោះព័ត៌មាននេះយ៉ាងខ្លាំង ។
ដកស្រង់ និងកែសម្រួល ដោយ ស៊ីក្លូខ្មែរ ប៉ុស្តិ៍
