ភ្នំពេញ÷អយ្យការអមសាលាដំបូងរាជធានីភ្នំពេញនារសៀលថ្ងៃទី២៩ខែធ្នូ ឆ្នាំ២០២១ម្សិលមិញបានបើកការស៊ើបសួរសំណុំរឿងក្រុមឧក្រិដ្ឋជនជួញដូរគ្រឿងញៀនសរុប៩នាក់ពាក់ព័ន្ធបទល្មើសឆ្លងដែនត្រូវកម្លាំងសមត្ថកិច្ចកម្ពុជាធ្វើការចាប់ខ្លួនរឹបអូសបានជិត៣៥០ គីឡូក្រាមនៅរាជធានីភ្នំពេញរួចបញ្ជូនមកកាន់សាលាដំបូងរាជធានីភ្នំពេញ ។
បំពង់ទីបដែកសម្រាប់ដាក់គ្រឿងញៀន
សូមរំលឹកថាកាលពី វេលាម៉ោង ១៧ និង ៥៥នាទី ថ្ងៃទី២៤ខែធ្នូ ឆ្នាំ២០២១សមត្ថកិច្ចជំនាញនៃមន្ទីរប្រឆាំងគ្រឿងញៀន(ក១) ដឹកនាំដោយលោក ឧត្តមសេនីយ៍ទោ អ៊ិន សុង នាយករងមន្ទីរគ្រឿងញៀន លោកវរ:សេនីយ៍ឯក ម៉ាក់ សេរីវឌ្ឍនា នាយករងមន្ទីរគ្រឿងញៀនលោក វរ:សេនីយ៍ទោ ហុង សុវណ្ណារិទ្ធ នាយការិយាល័យ(ក១)រួមសហការពីកម្លាំងជំនាញនៃនាយកដ្ឋានស៊ើបការណ៍ខាងក្រៅ និងបច្ចេកទេសសមត្ថកិច្ចគយកំពង់ផែព្រះសីហនុនិងកម្លាំងជំនាញស្នងការដ្ឋាននគរបាលរាជធានីភ្នំពេញដឹកនាំដោយលោក ស៊ិត វណ្ណៈព្រះរាជអាជ្ញារងរាជធានីភ្នំពេញបានដំណើរការស្រាវជ្រាវបង្ក្រាប ។
កិច្ចសហប្រតិបត្តិការ រួមគ្នាសមត្ថកិច្ចចិន-កម្ពុជា ទទួលបានព័ត៌មានច្បាស់ទើបបើកការស៊ើបអង្កេតអស់រយៈពេលជាង៤ខែទើបបង្ក្រាបសមត្ថកិច្ចចិនបង្ក្រាបក្រុមឧក្រឹដ្ឋជន ជនជាតិចិន ។ ក្នុងនោះកម្លាំងសមត្ថកិច្ច បើកកិច្ចប្រតិបត្តិការនៅ២គោលដៅផ្សេងគ្នា (នៅចំណុចវីឡាភ្លោះលេខ២១ផ្លូវលេខR03ស្តាផ្លាទីនឹម បុរីប៉េងហូតបឹងស្នោសង្កាត់និរោធ ខណ្ឌច្បារអំពៅ និង នៅចំណុចទី២នៅ ភោជនីយដ្ឋានអីយិនម៉ាថូវ សង្កាត់បឹងព្រលឹតខណ្ឌ៧មករារាជធានីភ្នំពេញឃាត់ខ្លួនជនសង្ស័យបាន៩នាក់ ។
ដែកចិនសម្រាប់ដាក់គ្រឿងញៀនកម្ពុជា
១-ឈ្មោះ HUANG RUI MING ភេទប្រុស កើតឆ្នាំ១៩៦៣ (មេក្លោង)។
២-ឈ្មោះ LI YI NAN ភេទប្រុស កើតឆ្នាំ១៩៨៣
៣-ឈ្មោះ SUN LIANG ភេទប្រុស កើតឆ្នាំ១៩៧៩
៤-ឈ្មោះ SUN HAI TAO ភេទប្រុស កើតឆ្នាំ១៩៨០
៥-ឈ្មោះ LIU WEI CHENG ភេទប្រុស កើតឆ្នាំ១៩៦៩ ។
៦-ឈ្មោះ CHEN ZHI QUAN ភេទប្រុស កើតឆ្នាំ១៩៥៥
៧-ឈ្មោះ WANG LEI ភេទប្រុស កើតឆ្នាំ១៩៩០
៨-ឈ្មោះ WANG YUE ភេទប្រុស កើតឆ្នាំ១៩៨២
៩-ឈ្មោះ ZHU XIAO FEI ភេទប្រុស កើតឆ្នាំ១៩៨២
ក្នុងនោះសមត្ថកិច្ចដកហូតវត្ថុតាងគ្រឿងញៀនប្រភេទ មេតំហ្វេតាមីន(ICE)សរុបរួមទម្ងន់៣៤៧ គីឡូក្រាម (លាក់ក្នុងបំពង់ដែកទីប៣៦៧ដើមនិង៦១កញ្ចប់ធំ) ជញ្ជីងថ្លឹងគ្រឿងញៀន២គ្រឿង រួមនិងសម្ភារៈវេចខ្ចប់មួយចំនួន ។
ចំណែក ទ្រព្យសម្បត្តិដូចជា÷ រថយន្ត១គ្រឿង ម៉ាក TOYOTA ALPHARD ពាក់ស្លាក់លេខ ភ្នំពេញ 2BE-29 73 ម៉ូតូមួយគ្រឿងម៉ាក HONDA PCX ពណ៌ខ្មៅស្លាកលេខភ្នំពេញ1FE-5946ទូរស័ព្ទដៃ ចំនួន១០គ្រឿងប្រាក់៣០០ ដុល្លារអាមេរិក។
ក្រុមឧក្រិដ្ឋជនបានរៀបចំបញ្ជូនគ្រឿងញៀនពីបំពង់ដែកមកកាន់កម្ពុជាគោលបំណងបញ្ជូនតាមផ្លូវសមុទ្រទៅប្រទេសទី០៣ ៕
